Imalli jijjiirama dijitaalaa amantaa ummataa argachuuf nageenyi saayibarii cimaa ta’uu akka qabu ibsameera.
Godina Oromiyaa magaalaa Jimmaatti baatii nageenya saayibarii biyyoolessaa 6ffaan gaggeeffamaa jira. Mariin paanaalii akka qaama sagantaa kanaatti mata duree " Ijaarsa boruu, dijitaalaayizeeshinii, magaalaa ismaartii fi nageenya saayibarii" jedhuun gaggeeffameera.
Marii paanaalii Obbo Yudahe Arayaselassie, Daarektarri Olaanaa Abbaa Taayitaa Saayinsii fi Teeknooloojii Oromiyaa obbo Mekonen Beyene, Itti gaafatamaa kutaa TQO Yuunivarsiitii Jimmaa Dr. Mohaammad Muntaz akka paanaaliitti hirmaataniiru. Marii kana Pireezidaantiin Yuunivarsiitii Jimmaa Dooktar Jemaal Abaafitaan dursaniiru.
Marii itti aanaa daayreektaraa IMDEA Obbo Yodahe Arayaselassie irratti galmeen osoo dijiitaala hin taasifamin dhabamuu, yeroo barbaacha fi argachuun fudhatu, fi gidiraa ummataa eeraniiru.
Garuu hojiin eegalame yeroo xumuramu yeroon kaartaa lafaa keenya bilbila ismaartii keenyaan toora interneetii irraa buufachuu dandeenyu dhugaa hojii kaadaastaraa fi dijiitaalaa ta'a jedhan.
Odeeffannoon dijitaalaa akka galmee waraqaatti baduu, hatamuu ykn miidhamuu waan danda’uuf dizaayinicha irraa eegalee saayibarii nageenya akka qabaatu taasifamuu akka qabu dubbataniiru.
Beekumsi dijitaalaa dhimma ogeeyyii IT qofa osoo hin taane itti gaafatamummaa hundaati. Tajaajila ammayyaa argachuuf teeknooloojiiwwan ammayyaa beekuu fi nageenya isaanii irratti hubannoo qabaachuu akka qabnu akeekaniiru.
Daarektarri olaanaa abbaa taayitaa saayinsii fi teeknooloojii Oromiyaa obbo Mekonen Beyene tajaajilli foddaa tokkoo fi onlaayinii amma jiru nagaadhaan hojjetamuu akka qabu ibsaniiru.
Obbo Mekonnen akka jedhanitti, teknooloojiin ummata tajaajila, odeeffannoon ammoo mootummaa tajaajila. Daataan nuti walitti qabnu murtii mootummaaf baayyee barbaachisaa waan ta'eef, mootummaan daataa hin qabne akka barbaachisummaa isaatti ummata tajaajiluu waan hin dandeenyeef, nageenya saayibarii dhimma bu'uuraa ta'uu hubachuun nageenya saayibarii irratti hojjechuu qabna.
Akkuma Dr. Mohaammad Muntaz marii paanaalii kana irratti ibsanitti, ce’umsa dijitaalaayizeeshinii fi hojiirra oolmaa magaalota ismaartiif kaartaa daandii hunda hubannoo taasisu barbaachisaa ta’uu akeekaniiru.
Itti fayyadama teeknooloojii fi nageenya saayibarii eeguu keessatti qormaanni guddaan hubannoo hawaasaa dhabuu akka ta’e kan ibsan Dr. Mohaammad bal’inaan hojjetamuu qaba.